Ha kaba nyngkong phi dei ban da tip shuwa kaei kane ka MEG-TIMS. Ki nonghikai kiba lah dep ban register bad ka MEG-TIMS ki lah ban leh ïa kane ka kam. Phin sa lap hangne ïa ki jingbatai kiba nga ai ïa phi ïa ki rukom ba phin bud khnang ba kan dup kloi ka kam, khamtam lada jia ba phi kyrkieh kam lane lada shem jingeh ban ïohkem kloi ïa kaei kaba dei ban leh kumba lah bthah da ki nongpynïaid.
Ka Bynta – 1:
U Username Ne Id: Baroh ki
nonghikai kiba la dep ban register bad ka MEG-TIMS ki la ïoh ïa u username lane id bad u password ïa kaba ki lah dep ban phah da ki hard copy sha ki skul kiba phi hikai. Hynrei ha kane ka kynti kaba mynta uto u username ne id bad u password kim treikam shuh namar ba ki lah dep ban pynthymmai ïa baroh. Ban log in donkam ban da tip shai katkum ka jingbatai kaba la bsiap ha ka website jong ka MEG-TIMS.
Ka Bynta – 2:
U Password: Bun kiba shem jingeh ban log in ha ka MEG-TIMS website namar ba ki credentials kiba ki nonghikai ki pyndap kim treikam shuh. Kumta kumba lah dep ban batai haneng donkam ban ïoh ïa u username ne id bathymmai bad ïa u password pat donkam ban pule bha ïa ka manual kaba la bsiap ha ka website.
Ka Bynta – 3:
School Log In: Ban log in ha ka account jong ka Skul jong phi donkam ban kynmaw ïa u username ne id barim, nangta pat sa leit sha ka bynta jong ka Important Links bad sa ñion ha ka Get School Admin Credential. Nangta sa pyndap ïa u Existing Login Id jong ka Skul jong phi bad sa Fetch Details.
Hadien kane phi dei ban pyndap ïa u username ne log in id bathymmai na ka bynta jong ka Skul kaba phi trei nangta sa check availability bad sa pyndap ruh ïa u password bathymmai. Phi dei ban da leh bha ha kane ka bynta khang ba phin ym klet ïa kitei ki jingdonkam kiba phi pyndap, namar ki donkam na ka bynta ban log in hadien habud.
Log in da u username ne log in id bathymmai bad u password bathymmai, ym shuh da kiba rim. Nangta sa jied ïa ka role I am School Admin bad sa log in.
Ka Bynta – 4:
Teacher Log In: Ynda lah dep ban log in ha ka School account, leit ha ka bynta jong ka Teacher Information ban dup ïoh ïa u username bathymmai. Nangta sa log in da u username bathymmai bad na ka bynta jong u password pat phi donkam ban da pule sngewthuh bha ïa ka manual ba lah ai ha ka MEG-TIMS website.
Log in da u username bathymmai bad password (bathymmai kumba lah bthah ha ka manual) nangta pat sa jied ïa ka role I am a Teacher. Tang mar shu dep ban log in leit ha ka bynta ba thoh Change Password bad pynkylla noh ïa u password da u ba thymmai.
Download Attendance Undertaking Form
0 Comments