Ki Scheduled Tribe (ST) Certificate ki long kiba
donkam bha na ka bynta ki briew kiba dei na ki jaitbynriew Scheduled Tribe ha Meghalaya.
Kane ka Certificate ka lah ban donkam ha ki kam pule puthi, scholarship, kam
sorkar, ban apply kam, ki scheme jong ka sorkar, bad kiwei kiwei ki kam kiba
donkam ïa ka jingpynshisha ïa ka jinglong ST.
Hynrei, lada ka dur kaba don ha ka ST
Certificate ka la rim, ka khlem shai bha, lane phi kwah ban bujli da ka dur
kaba thymmai, don ka lad ban pynkylla ne update ïa ka dur ha ka Scheduled
Tribe Certificate.
Ha kane ka jingthoh, ngin peit bniah ïa ki kot ki
sla kiba donkam, kiei kiba dei ban tip bad kaei kaba ki nongapply ha Meghalaya
ki dei ban kynmaw haba ki submit ïa ka application.
Kaei ka jingmut jong ka
Photograph Updation?
Ka Photograph Updation ka mut ka
jingpynkylla ïa ka dur kaba la don lypa ha ka ST Certificate da kaba bujli da
ka dur kaba thymmai bad kaba pyni ïa ka dur jong phi ha kane ka por.
Kane ka service ka lah ban long kaba donkam khamtam
haba ka dur kaba rim ka la long kaba kham pher na ka dur jong phi mynta, lane
ka dur ha ka Certificate kam da shai bha.
Ki nongapply ki dei ban peit bniah ïa ki jingtip
kiba paw ha ka online application form shuwa ban submit.
Ki Enclosures kiba Donkam
Na ka bynta ka Updation of Photograph in
Scheduled Tribe Certificate ha Meghalaya, kine harum ki dei ki kot ki sla
kiba donkam:
1. Original ST Previously Issued
Online
Donkam ïa ka Original ST Certificate kaba la
pynmih online mynshuwa ne ha ki por ba la dep.
Kane ka ST Certificate kan long auto-fetched na
ka ST Certificate kaba la dep pynmih ha ka system. Ka jingpynmih paidbah
jong kane ka kot ka lah ban ym donkam ban upload biang lada ka system ka la dep
ban pyni ïa ka.
Ki nongapply ki dei ban peit bniah ba ki jingtip
jong ka Certificate ki long kiba dei.
2. Address Proof
Donkam ruh ïa ka Address Proof.
Kane ka kot ka dei ban long auto-fetched na ka
document kaba la upload mynshuwa. Shuwa ban submit ïa ka application, peit
bniah ïa ka address bad kiwei ki jingtip ba ki long kiba thikna.
3. Birth Certificate
Ka Birth Certificate ruh ka dei kawei na ki
kot ki sla kiba donkam.
Kane ruh kan long auto-fetched na ka document
kaba la upload mynshwa ha ka online system.
Ki nongapply ki dei ban check ïa ka kyrteng, ka
tarik kha bad kiwei ki jingtip kiba don ha ka Birth Certificate.
4. EPIC jong u Kpa /ka Kmie/ ne
jong phi hi
Donkam ïa ka EPIC (Elector Photo Identity Card)
jong u Kpa/ka Kmie ne jong phi hi, katkum ka jingdonkam jong ka
application. Lada phi lah dap 18 snem ka rta phin hap ban ai da ka EPIC jong
phi hi. Hynrei, lada phim pat dap 18 snem ka rta, donkam da ka EPIC jong u Kpa
ne ka Kmie.
Ki nongapply ki dei ban pynthikna ba ka EPIC kaba
ai ka long kaba shai bad kaba dei.
5. Class X Admit Card bad ka Dur
ba dang Shen (Latest Photograph)
Na ka bynta ki khynnah skul kiba hapoh 18 snem
ka rta, donkam ïa ka Class X Admit Card kaba don ïa ka latest photograph.
Kane ka long kawei na ki jingpynshisha kiba lah ban ïarap ban pynthikna ïa ka
kyrteng bad ka dur jong u/ka applicant, khamtam ïa kiba dang hapoh 18 snem.
Kaei kaba dei ban kynmaw hadien ba
la dep ban Submit?
Kawei ka jingtip kaba kongsan bha ïa baroh ki
nongapply ha Meghalaya ka long ba watla phi la dep submit ïa ka application,
wat bret ïa ka Acknowledgment Slip. Sngewbha ban da buh bha ïa ka
Acknowledgment Slip ïa kaba phin sa
ïohi ruh ïa kum kane ka jingthoh ha shuwa ba phin apply “Please retain the
acknowledgment slip after submission of the application form.”
Ka Acknowledgment Slip ka long ka jingpynshisha ba
phi la dep ban submit ïa ka application. Namarkata, buh bha ïa ka haduh ba ka
process baroh kan long kaba la dep. Lada donkam ban buddien ïa ka application
ha ka hadien, kane ka slip long kaba donkam bad phi lah ban leit sha DC Office
ban phah peit lada phi shem ba ka slem palat ban ïoh.
Hangno ban peit ïa ki jingtip
shaphang ka Photograph Updation?
Haba phi pyndep ïa ka online application form, phi
dei ban peit bniah ïa baroh ki bynta jong ka form. Ki jingtip shaphang ka
updation jong ka photograph ki don ha ka bynta kaba khatduh jong ka form.
Namarkata, wat kyrkieh ban submit ïa ka form. Peit haduh kaba kut bad pynthikna ba phi la pyndep ïa ka bynta kaba ïadei bad ka Photograph Updation.
Ki Jingpynkynmaw ba kongsan na ka
bynta ki Nongapply
Shuwa ban submit ïa ka application na ka bynta ka ST
Certificate Photograph Updation ha Meghalaya Portal kata ka e-District Meghalaya, kynmaw kine harum:
- Peit
bniah ïa ka ST Certificate kaba la issued online mynshuwa.
- Check
ïa ka Address Proof kaba la auto-fetched.
- Pynthikna
ïa ki jingtip ha ka Birth Certificate.
- Pynthikna
ba ka EPIC jong u Kpa/ka Kmie ne jong phi hi ba ka long kaba biang.
- Ki
khynnah hapoh 18 snem ki dei ban don ïa ka Class X Admit Card bad ka
latest photograph.
- Peit
bniah ïa baroh ki jingtip shuwa ban submit.
- Peit
kyrpang ïa ka bynta kaba khatduh jong ka form na ka bynta ki
jingtip shaphang ka photograph updation.
- Buh bha
ïa ka Acknowledgment Slip hadien ba la submit ïa ka application form.
Ka Updation of Photograph in Scheduled Tribe
Certificate ha Meghalaya ka long ka service kaba lah ban ïarap ïa ki
nongshong shnong kiba kwah ban pynkylla ïa ka dur kaba rim ha ka ST Certificate
sha ka dur kaba thymmai da kaba leit ha kane ka portal e-District Meghalaya.
Ka online application ka pynsuk ïa ka rukom treikam
namar ba katto katne ki kot ki sla, kum ka ST Certificate, Address Proof bad
Birth Certificate, ki lah ban auto-fetched na ki document kiba la upload
mynshuwa.
Namarkata, shuwa ban submit, peit bniah ïa baroh ki
jingdonkam bad ki kot ki sla kiba paw ha ka form. Kynmaw ruh ba ki jingtip
na ka bynta ka Photograph Updation ki don ha ka bynta kaba khatduh jong ka form,
bad ïa ka Acknowledgment Slip dei ban buh bha hadien ba la dep ban submit.
Da kaba bud ïa kine ki jingtip, ki nongapply ha
Meghalaya kin lah ban pyndep ïa ka process jong ka Scheduled Tribe
Certificate Photograph Updation ha ka rukom kaba shai, suk bad kaba ryntih.
0 Comments