Lah Ne Em Ban Ïoh Biang Ïa Ki WhatsApp Chat Lada Duh Ka Phone?

Kane ka long kaba donkam bha ïa phi ban tip bad ban leh ïa kaba donkam ha ka por kaba biang khnang ba phin nym khuslai lane jynjar mynsiem lada duh ka phone jong phi ha kano kano ka por. Te ngan batai ïa phi khyndiat shaphang kata ka jingpynbiang ïa ki jingdonkam na ka phone ka jong phi. To ngin peit ïa kine ki mat harum.

1. Settings: Leit napoh “Settings” bad nangta pat sa wad ïa ka option “Chats (Theme, wallpapers, chat history)”, sa ñion (click) ha kato ka option. Nangta sa swipe ïa ka screen shaneng bad phin sa lap ïa ka “Chat backup” bad sa ñion ha kato ka option bad phin sa ïohi ïa ki jingbatai ba kham shai bad kiba kham bniah bha ha kaba ïadei ban backup ïa ki chat baroh.

2. Google Account: Hangne phin hap ban leit ha ka “Google Account” option bad sa jied ïa ka email kaba phi kwah ban backup ïa ki WhatsApp chat baroh.

3. Automatic backups: Hangne phi hap ban jied kawei napdeng jong saw tylli ki option kum ka ‘Daily, Weekly, Monthly bad Only when I tap “Back up”’.

4. Include videos: Lada phi kwah ba ki video na ka WhatsApp kin backup lang te sa ñion bad jied ïa kane ka option, lymda kumta te ieh kan sah kumba ka long.

5. Back up using cellular: Da phi jied ban ñion ïa kane ka option te kan sa pyndonkam ïa ka internet data jong ka phone ban backup ïa baroh ki chat bad ki media.

Nalor kine baroh, phi dei ban kynmaw ïa kane kawei kaba donkam tam bad kata ka long ba phim dei satia ban delete ïa ka account jong ka WhatsApp jong phi. Wat lada phi lah dep ban pynbiang lut ïa baroh ki jingdonkam ban process ïa ka backup ha ka rukom kaba dei ruh lada phi delete pat ïa ka WhatsApp account te kan long lehnohei. Te kumta lada ka duh ka phone ruh haba phim delete ïa ka account phin sa lah ban recover biang ïa ka WhatsApp kumba ka long.