Ki Alphabet Khasi: Ka Histori, Ka Jingkordor bad Ka Jingpyndonkam Ha Ka Jingïathuhkhana Khasi

Ki Alphabet Khasi ki long ka bynta kaba kongsan tam ha ka jingim jong ka jaitbynriew Khasi. Da kine ki dak thoh, la lah ban buh jingthoh, pynneh pynsah ïa ka kolshor, ka histori bad ka ktien Khasi haduh mynta. Haba ngi pule ne thoh Khasi, ngi pyndonkam ïa ki alphabet kiba la pynlong ïa ka ktien Khasi kaba suk ban pule bad ban hikai.

Ha kane ka article, ngin pule shaphang ki Alphabet Khasi, ka histori jong ki, bad ka jingdonkam jong ki ha ka juk ba mynta.

Ka Histori Jong Ki Alphabet Khasi

Ha shwa ban wan ki dak thoh Khasi, ki Khasi ki ju pyndonkam da ka ktien kren ban pynphriang ïa ki khana, ki dustur bad ki jingtip. Ha ka spah snem kaba 19, ki missionary kiba wan sha Ri Khasi ki la sdang ban thoh ïa ka ktien Khasi da ki alphabet Roman.

Napdeng jong ki briew kiba la noh synniang bha ha ka jingthaw ïa ka rukom thoh Khasi u dei u Thomas Jones. U la pyndonkam ïa ki alphabet Roman ban thoh ïa ka ktien Khasi, kaba la plie lad ïa ka pule puthi bad ka jingroi jong ka ktien Khasi.

Katno Tylli Ki Alphabet Khasi Ki Don?

Ki Khasi Alphabet ki don 23 tylli ki dak:

A, B, K, D, E, G, Ng, H, I, Ï, J, L, M, N, Ñ, O, P, R, S, T, U, W, Y

Kine ki alphabet ki long ka nongrim jong baroh ki kyntien Khasi kiba ngi pyndonkam man ka sngi.

Ki Nuksa Kyntien

• A – Akor
• B – Briew
• K – Khasi
• D – Dieng
• E – Em
• G – (Ngi dang wad kyntien. Bad kham ñiar ba ngi ju pyndonkam.)
• Ng – Ngap
• H – Hima
• Ï – Ïing
• J – Jingtip
• L – Lum
• M – Mariang
• N – Nongkyndong
• Ñ – Ñiut
• O – Ong
• P – Pyrthei
• R – Ri
• S – Sngi
• T – Tynrai
• U – Um
• W – Wah
• Y – Ynda

Balei Ki Alphabet Khasi Ki Long Kiba Kongsan?

1. Ban Pynneh Pynsah Ïa Ka Ktien Khasi

Ki alphabet ki ïarap ban pynneh pynsah ïa ka ktien Khasi na kawei ka pateng sha kawei pat. Da kaba thoh bad pule Khasi, ka ktien jong ngi kan ym jah hynrei kan ïai im.

2. Ban Kynshew Ïa Ka Kolshor Khasi

Ki kot, ki khana tynrai, ki jingrwai bad kiwei kiwei ki jingthoh Khasi ki long ka bynta jong ka kolshor jong ngi. Kine baroh la lah ban pynneh da ka jingdon jong ki alphabet Khasi.

3. Ban Pynroi Ïa Ka Pule Puthi

Ki khynnah ha skul ki sdang ban pule Khasi na ki alphabet. Kane ka pynsuk ïa ka jingnang jingstad bad ka jingtip shaphang ka ktien lajong.

4. Ban Pyndonkam Ha Ka Digital World

Ha kane ka juk technology, ki alphabet Khasi ki la pyndonkam ha ki website, social media, blog, bad ki mobile app. Kane ka ïarap ban pynsaphriang ïa ka ktien Khasi sha kylleng ka pyrthei.

Ka Jingdonkam Ban Hikai Ïa Ki Khynnah

Ka long kaba donkam ban hikai ïa ki khynnah ïa ki alphabet Khasi naduh dang rit. Haba ki nang ban pule bad thoh Khasi, kin sngewthuh kham bha ïa ka kolshor, ka histori bad ka jinglong tynrai jong ka jaitbynriew Khasi.

Ki Alphabet Khasi ki dei ka nongrim jong ka ktien Khasi bad ka jinglong kyrpang jong ka jaitbynriew Khasi. Da kaba pule, thoh bad pyndonkam ïa kine ki alphabet man ka sngi, ngi lah ban pynneh pynsah ïa ka ktien Khasi na ka bynta ki pateng ban wan.

To ngin ieid, ngin hikai bad ngin pyndonkam ïa ka ktien Khasi khnang ba kan ïai im bad roi hynrei ym ban jah noh na ka pyrthei.