Balei Ngim Lah Ban Check Balance Ha Ka Google Pay? | Khasi Technology Tips

Balei Ngim Lah Ban Check Balance Ha Ka Google Pay?

Ka Google Pay ka long kawei na ki app paidbah kaba ïaid tam ha India ban phah pisa, pdiang pisa bad check balance na ka bank account. Hynrei, don bun ki por ba ki nongpyndonkam ki shem jingeh haba ki pyrshang ban check balance hynrei ym lah ban peit ïa ka balance jong ki.

Ha kane ka article, ngin batai ïa ki daw ba ju jia bad kumno ban pynbeit ïa kane ka jingeh.

1. Check Ïa Ka Internet Connection

Ka Google Pay ka donkam internet connection kaba biang ban treikam bha. Lada ka mobile data lane Wi-Fi jong phi ka tlot ne ka duh signal, ka app kan ym lah ban connect sha ka bank server.

Kumno Ban Pynbeit:

• Peit ba ka mobile data ne Wi-Fi ka treikam bha.
• Pyrshang ban plie kiwei pat ki website ne app.
• Restart ïa ka internet connection lada donkam.

2. Update Ïa Ka Google Pay Na Play Store

Ka version kaba rim jong ka Google Pay ka lah ban wanrah jingeh ha ka por ba check balance ne pyndonkam ïa kiwei ki feature.

Kumno Ban Pynbeit:

• Plie ïa ka Google Play Store.
• Wad ïa "Google Pay".
• Ñion ha ka "Update" lada don ka update kaba thymmai.

Ka update ka ju wanrah jingpynbha, jingpynbeit bug fixing bad jingshngaiñ kiba kham bha.

3. Bank Server Ka Lah Ban Busy

Don ki por, khamtam ha ka por janmiet ne ka por ba pyndonkam paidbah (busy hours), ba ki bank server ki long kiba bunkam bha. Ha kum kine ki por, ka Google Pay ka lah ban thut bad kam lah ban pyni ïa ka balance jong phi wat lada ka internet ka biang.

Balei Kane Ka Jia?

Ki bank ki ju ïoh bun ngut ki nongpyndonkam ha ka juh ka por. Haba ka server ka kit khia palat, ka service check balance ka lah ban sangeh shipor.

Kumno Ban Pynbeit:

• Ap katto katne minit bad pyrshang biang.
• Pyrshang ha kawei pat ka por.
• Check balance lyngba ka official mobile banking app jong ka bank lada don nuksa kum ka yono lada phi don account bad ka SBI.

4. Lah Ban Long Ba Bakla Ïa U UPI PIN

Ban check balance ha Google Pay, phi hap ban pyndap ïa u UPI PIN u ba dei. Lada u PIN u bakla, ka request kan ym lah ban treikam.

Jingmut:

• Pyndap bha ïa u PIN.
• Ym dei ban ai ïa u UPI PIN ïano ïano ruh.

5. Technical Problem Ha Ka App

Teng teng ka app hi ka lah ban don technical issue ne bug.

Kumno Ban Pynbeit:

• Force stop ïa ka app.
• Clear cache: Ïa kane phin ïoh na ka setting.
• Restart ïa ka phone.
• Reinstall ïa ka Google Pay lada donkam.

Ka Jingkynthoh

Lada phim lah ban check balance ha ka Google Pay, ym dei ba ka account jong phi ka don jingeh man ka por hynrei kumba lah batai haneng. Bunsien ka jingeh ka wan na ka internet connection, ka app kaba ym pat update, lane ka bank server kaba dang busy.

Da kaba bud ïa kine ki bynta, phi lah ban pynbeit bun na kine ki jingeh bad pyndonkam biang ïa ka Google Pay khlem jingeh.